حوار بين الحاج محمد خضر والدكتور انور احمد عثمان حوار بين الحاج محمد خضر والدكتور انور احمد عثمان - اخبار السودان
recent

آخر الأخبار

recent
recent
جاري التحميل ...
recent

حوار بين الحاج محمد خضر والدكتور انور احمد عثمان


يحكي لنا الدكتور انور احمد عثمان في هذه التدوينة قصة له لا نطيل عليكم نترككم مع القصة 


الحاج محمد خضر عثمان ...قابلته بالصدفة اليوم لا أعرفه قبلا..غرب شركة MTN للهاتف السيار
أوقفت سيارتي لإحتساء فنجان قهوة ووجدت عدة أمكنة فارغة بجانب هذا الرجل ولكني تعمدت الجلوس بقربه للتعرف عليه عسى أن يفتح الله به بابا من المعرفة....

ألقيت عليه السلام ودعوته لإفطار سويا فأعتذر ...ودعوته لفنجان قهوة فأعتذر ايضا بحجة أنه ف انتظار أقرباء...
وكالعادة بادرته بالسؤال ...
من وين انت ياحاج؟
هو: أنا من الشمالية المحس..
أنا: أنا برضو من الشمالية دنقلاوي من أرقو ..
هو: أهلا بيك ..مننا يعني ..
أنا: أهو كلنا سودانيين ف النهاية...
هو: لكن يا أخوي إنت بتشرب القهوة دي كتير ليه كدة....دا ما كويس لي صحتك ...يعني معقولة كباية كبيرة زي دي مليانة؟؟
أنا: أعمل شنو يا حاج والله لو ماشربتها بيجيني صداع عنيف...وعدم تركيز..
هو: ما تقول كدة ..عيب عليك ..قهوة تتحكم فيك ؟؟خلي عندك ارادة ...واوعك بتكون بتدخن كمان؟
انا: ما بحبو لكن مرات مرات ممكن اشرب لي سيجارة برنجي او بنسون..
هو: والله عيب يا أخوي..السيجائر مؤذي..يا أخي خليهو برضو ...خلي عندك ارادة..بالمناسبة انت متزوج؟؟
أنا: كنت متزوج..
هو: طيب قاعد براك كيف وإنت ف العمر دا ...لازم تكون معاك واحدة وانت ف العمر دا محتاجة لرفيقة جنبك تكون قريبة ليك..
أولادك وين؟
انا: كلهم اتزوجو وكل واحد ف بلد..
هو: عاد دا كلام دا ..وقاعد براك حسع والله عيب كبير يا أخوي اتزوج ..عيب والله ..شوف ليك واحدة مطلقة ولا راجلها مات ولا ف عمر لغاية 39 او ا40 كدة وقضي معاها باقي عمرك...
أنا: بفتش...
هو : تفتش شنو ما هن راقدات وما لاقيات عرس..
أنا: ربنا يهون...
هو: ايوة ربنا يهون ..وداير اقول ليك حاجة لازم تتمشى كل يوم وتصلي بانتظام لانو دي حاجات بتفتح باب الرزق وبتجيب الصحة..(ودردشنا أكثر.)..
(قطع محادثتي القيمة مع الاخ محمد خضر قدوم اصحابه وشكرته وأعطيته رقمي كاملا بعد أن رجوته أن يتصل بي لأي خدمة هنا ف الخرطوم وأخدت اسمه كاملا وودعته بأحضان وفرحة..)
شكرا أخي محمد خضر لنصائحك وتشرفت بمعرفتك...



صور من الموقف


عن الكاتب

اخبار السودان ، مدون عربي سوداني محب لمجال التقنية والعلوم والتوثيق والثقافة ، اسعى لتقديم الافادة للناس ،
  1. الموقع حقكم جميل وسهل التصفح استمر ربنا يوفقكم

    ردحذف
  2. بارك الله فيك اخي شكرا علي مرورك الجميل تحياتي :)

    ردحذف

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للاشتراك في بريد الموقع السريع لتصلك اخبار السودان واسعار العملات اولاً بأول

إتصل بنا

مدونة اخبار السودان

مدونة أخبار السودان مدونة سودانية تشمل جميع الاخبار المحلية والعالمية لحظة بلحظة وتنشر المدونة الاخبار السياسية و الاقتصادية والفنية من جميع المصادر الموثوقة

جميع الحقوق محفوظة

اخبار السودان

2017