recent

آخر الأخبار

recent
recent
جاري التحميل ...
recent

صناعة الأعلام الأجتماعي والتسويق الرقمي في السودان

الليلة باذن الله حاكتب منشور طويل عن صناعة الاعلام الاجتماعي والتسويق الرقمي حاستعرض فيهو تخصصات الصناعة واهم المهارات والادوات وكيف نبدأ التخصص وللناس الشغالة في المجال حاليا حانستعرض اهم الفرص والتوجهات الجديدة


 مجال السوشال ميديا والتسويق الرقمي حايكونوا من اهم المجالات العليها طلب كبير في الفترة الجايه في السودان والمنطقة العربية كمان لاسباب بسيطة جدا 
اول حاجه كل المؤسسات في القطاع الخاص والعام ادركت تماما انو الانترنت وادواتها ومنصاتها هى مستقبل الاعلام ومستقبل التسويق من كمية التسارع والتطور الحصل فيها في ال10 سنوات الماضية وهجرة الناس اليها تاركين اجهزه التلفاز والصحف الورقية بل والكتب ايضا
الانترنت والسوشال ميديا قابله للقياس وبتقدر تعرف انتا ماشى كيف وماشى صح ولا لا وبتقدر تعرف رأي الناس في الحاجه البتقدمها مهما كان نوعها ومن خلال التفاعل ده بتقدر تحسن وتطور من المحتوي البتقدمو او المنتج او الخدمه البتبيعها
الانترنت والسوشال ميديا غير محدوده جغرافيا يعني من اى مكان بتقدر توصل لى اى مكان
الانترنت والسوشال ميديا حره تماما من اى قيود ممكن تفرض عليك
الانترنت والسوشال ميديا الان هى المصدر الاول للمعرفة والمعلومات والفرص والعلاقات والتشبيك والثراء
طيب الان خلونا نقفذ مباشره للهدف الرئيس من المنشور ده 
لو عايز تكون اخصائي تسويق رقمي او اعلام اجتماعي تبدأ من وين وكم من الوقت مفروض تاخد عشان توصل مرحلة الاحتراف ، اول حاجه لازم يكون عندك شغف كبير بالمجال ده ومابالضرورة يكون عنك خلفية اكاديمية ابدا فى اى مجال لكن لو توفرت في مجالات التسويق والاعلام او العلاقات العامة بتكون اضافة كبيرة اكيد ليك فى مسيرتك
تاني حاجه مهم جدا تمتلك معرفة كبيرة وكبيره شديد بالمجال ده معرفه عامه في الاول تقرأ مقالات تتابع مدونات تشوف فيديوهات وتبدأ تسأل وتعرف اهم المصطلحات ومعناها وكمان في بعض الكتب للمبتدئين حانزلها ليكم فى التعليقات ممكن برضوا تقروها ( مبدئيا كده خصص شهر كامل بمعدل 3 ساعات يوميا عشان تكتسب معرفة عامه عن المجال )
طيب شنو هى اهم المجالات الفرعية في مجال التسويق الرقمي والاعلام الاجتماعي
Ad Campaigns
Blogging
Campaign Management
Community Management
Content Marketing
Content Strategy
Data Analysis
Email Marketing
Search Engine Optimization - SEO
Social Media Marketing
Social Media Monitoring
Trend Spotting
User Engagement
Growth hacking
ماحقدر احدد وقت معين عشان توصل للاحترافية لكن التركيز الشديد على تخصص معين ومتابعه الجديد اول باول والممارسة الفعلية في المجال لوقت طويل اكيد حاتوصلك لشخص محترف في المجال ده 
يلا كل مجال من المجالات الفوق دى علم قائم بذاته كورسات اونلاين ومقالات وتجارب وممارسات بتحتاج انك تتعرف عليها وتمارسها بشكل مبسط في البداية لحدي ماتقع ليك الرصه تماما
متوسط الرواتب في اوروبا وامريكا في مجال التسويق الرقمي بين 50 الى 80 الف دولار سنويا للوظائف الوسطي اما الرواتب للSenior Manager بتتراوح من 130 الى 180 الف دولار سنويا 

اما في المنطقة العربية والخليج تحديدا تتراوح الرواتب من 20 الى 40 الف دولار سنويا اما الرواتب للSenior Manager بتتراوح من 60 الى 100 الف دولار سنويا .
اكثر من 2 مليار ونص بني آدم بقعدوا اكثر من 4 ساعات يوميا في مواقع التواصل الاجتماعي والانترنت والشركات والمؤسسات بتقدر تتواصل معاهم بشكل مباشر ومحدد عبر اهتماماتهم وميولهم ومناطقهم الجغرافية واعمارهم ومتوسط دخلهم السنوي بل اكتر من كده بتقدر تعرف حاليا فرحانين ولازعلانين  .
وده سبب قوي يخلي كل العالم الآن يتوجه نحو السوشال ميديا والتسويق الرقمي
حاكتب بالتفصيل خلال الايام الجايه عن المجالات الفوق دي وحافتش ليكم كورسات ومصادر للبدايات

يلا ممكن تتابعونا هــــــــــــــــــــنا حا ننزل كل شي بالتفصيل علي الموقع فور شرحها من قبل امجد البصيري او ممكن تتابعو صفحتو علي الفيس بوك بالضغط علي كلمة هنـــــــــــــــ
ا

ادخل الهاش تاق دا علي الفيس بوك اشان تتابع كل جديد عن #امجد_البصيري

عن الكاتب

اخبار السودان ، مدون عربي سوداني محب لمجال التقنية والعلوم والتوثيق والثقافة ، اسعى لتقديم الافادة للناس ،

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للاشتراك في بريد الموقع السريع لتصلك اخبار السودان واسعار العملات اولاً بأول

إتصل بنا

مدونة اخبار السودان

مدونة أخبار السودان مدونة سودانية تشمل جميع الاخبار المحلية والعالمية لحظة بلحظة وتنشر المدونة الاخبار السياسية و الاقتصادية والفنية من جميع المصادر الموثوقة

جميع الحقوق محفوظة

اخبار السودان

2017