recent

آخر الأخبار

recent
جاري التحميل ...

كيفية تحضير السيرة الذاتية

ملاحظات بسيطة عن كتابة السيرة الذاتية (CV) حتي تكون متاهل بنسبة كبيرة للوظيفة المقدم ليها ♥ 



1. لازم تسمي السيرة الذاتية بأسمك تمام يعني ما ممكن تخلي اسمها مكتوب (CV) و بس لمن يكون الزول البيشوف السيرة الذاتية عندو مليون واحدة غيرهم فما حيكون عندو صبر انو يفتح تاني كل واحدة عشان يشوف اسم الزول.

2. سمي السيرة باسمك بالأنجليزي وجروف اسمك. ما تكون مكتوبة بحروف small. ما بيدي انطباع كويس

3. اكتب اسم الوظيفة في ال Subject حق الايميل

4. اكتب كلام في بداية الايميل يعني ما ممكن ترسل الايميل بس بالسيرة الذاتية فاضي او تكون عامل ليهو forward من ايميل انت رسلتو لشركة تانية. بتدي انطباع انك ما مهتم اكتبو حاجة بسيطة زي دي

 Dear Filan, kindly find attached my CV for the job advertised earlier. Please don't hesitate to
contact me if you need anything else. Thank you
 
حاجة بسيطة زي دي صدقوني بتخلي الزول مبسوط قبال ما يفتح السيرة حقتك

5. الخواجات بيقولو ليك شيل صورتك و عمرك و الهوايات من السيرة لانها ممكن تخلي الزول biased حتى لو لا شعوريا.

6. ماااا تختو شي زي (بصحة جيدة) و الكلام ده الا لو ماشين تقدمو اوظيفة في ال UN او كدا و محتاجين منك تسافر و بيكونو طالبين الشي ده مكتوب.

7. انتبهو للاخطاء الإملائية و انتو بتكتبو السيرة الذاتية و الايميل بالذات للعايزين فيها انجليزي كويس  دقسة بسيطة ممكن تخلي الزول يجلي حنانك زاتو

8. ما تلونو السيرة كتير يخوانا يعني الزول يفتح السيرة يلقى فيها برواز نجوم و طراقيع و الوان غريبة distracting لمن بهناك.

9. في حتة الا Objective اكتبو الحاجات الانتو شفاااته   فيها في نقاط زي مختصر كدا للسيرة حقتكم بطريقة ظريفة الزول يكشف ليها و يجري.

10. ما ترسلو السيرة بايميل الطفولة يخوانا 😂.. يعني ما ممكن ترسلو السيرة بايميل اسمو (beatz_killa) 😂😂😂 الله يفضحكم.

11. رسلو السيرة في فورمات Pdf بيكون احسن.

مثال بسيط للاشياء البتحتاج ليها في السيرة الذاتية
- الإسم : ********
- العنوان:  ********
- الهــاتف او الجوال : ابدا بي مفاتح الدولة 00249
- البريد الإلكتروني: ********
- المؤهلات الدراسية: ********
- إسم الجامعة و التخصص: ********
- سنة التخرج: ********
- الكورسات الإضافية ********
- الدورات التدريبية ********
- ورش العمل ********
- الخبرات السابقة ******** 
- المهارات المطلوبة : ********
___________
وايضا قم بإضافة المزيد عن مهاراتك
- رخصة قيادة إن *وجدت*
- قدرة على تحمل ضغط العمل.
- قدرة على إستخدام الحاسب الآلي بشكل جيد
- قدرة على العمل في فريق وبشكل فردي .
- القدرة على الإبتكار و تطوير العمل
- قدرة على تحقيق أهداف الشركة.
- إجادة للغة الإنجليزية في إطار العمل (عدلها بناءً على قدراتك)
________
وايضاً  قم بإضافة المزيد عن مجال تخصصك وما يمكنك القيام به - مع ذكر في نقاط متسلسلة مرتبة الوظائف التي يمكنك القيام بها .. مثلاً
- إدارة المكاتب
- السكرتارية
- الخدمات الإدارية المساندة
- المشتريات
- التسويق الإلكتروني
- التصميم من خلال فوتوشوب
- الإشراف الإداري
- إدارة العمل والقوى العاملة
وهكذا ...

وركز في ديل برضو :
- جهز بريدك الإلكتروني - جهز - جهز - جهههههزه
- درب نفسك على الإرسال وفتح الوارد وأرشفة الوارد والرد مباشرة وتحميل الملفات وحفظها ...
- مافي شغل في مكتب من غير خبرة في التعامل مع الكمبيوتر
- قدم في اي وظيفة ما تعاين للخبرة ولا مسمى الوظيفة
- خلي ورقك يصل الموارد البشرية وهم المسؤولين عن وضع ورقك في المكان المناسب عشان ما تجي تقول لي ما لقيت وظيفة
- لما تشوفي وظيفة سواق ولا طيار ومع الوظيفة في بريد رسلي ورقك وانت رسل ورقك - الكلام دا عن تجربة - اطرد الكسل والفكرة الانت شغال بيها دي وجدد وغير طريقة تفكيرك عليك الله .
- اكرر ضروري يكون عندك بريد وتعرف تتعامل معاه اتصرف يا أخي شوية من صاحبك من المقهى من اي مكان ...


الكورسات المهمة 
- حاسب آلي ولغة انجليزية
- حاول أضغط نفسك واستفيد من الدورة البتسجل فيها - ما تعديها طالع نازل ومقضيها قشرة مشاوير سااااااي ...
- ضروري تدرب نفسك وما ترجع قبل تتأكد أنك فاهم كيف تعمل كدا أو تحفظ أو تستخدم النقطة المعنية .
- ما تفتكر انك اتخرجت خلاص جاهز للوظيفة - انتبه - شهادة وااااحدة كدا جاري بيها ح تشعر بالخجل لما تشوف واحد خريج في نفس السنة ومعاه 6 شهادات لانه فالح عملها خلال فترة الجامعة وانت نايم في العسل.

طيب تمام اخيراً نجي لي للسيرة الذاتية في حد ذاتها اذا ما قدرت تتحصل عليها : 
ده موقع سيره ذاتيه، بيتيح ليك مجانا إنك تعمل سيرتك الذاتية في دقيقتين
وبأي لغة أنت عايزها عربي أو إنجليزي وممكن تحتفظ بيها برقم سري على الموقع نفسه.
الموقع كله باللغة العربية ومنظم جدا لأكثر من مجال، هيساعدك تحط كل حاجة في سيرتك الذاتية وبعدها تطلع بصورة كويسة وشاملة كل المواضيع والخبرات العملية ليك.

ده رابط  الموقع: http://seirah.com/
لو دخلت الموقع وما فهمت حاجة فيهو ببساطة ( اكتب في محرك البحث قوقل ) ( كيفية عمل سيرة ذاتية من موقع seirah ) وبتلقي شروحات كتيرة ومبسطة او ( اضغط هــــنـــــا )

عن الكاتب

اخبار السودان ، مدون عربي سوداني محب لمجال التقنية والعلوم والتوثيق والثقافة ، اسعى لتقديم الافادة للناس ،

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للاشتراك في بريد الموقع السريع لتصلك اخبار السودان واسعار العملات اولاً بأول

إتصل بنا

مدونة اخبار السودان

مدونة أخبار السودان مدونة سودانية تشمل جميع الاخبار المحلية والعالمية لحظة بلحظة وتنشر المدونة الاخبار السياسية و الاقتصادية والفنية من جميع المصادر الموثوقة

جميع الحقوق محفوظة

اخبار السودان

2017